மழலைப்பாடல்: நிலா நிலா ஓடிவா

நிலா நிலா ஓடிவா
நில்லாமல் ஓடிவா
மலைமீது ஏறி வா
மல்லிகைப்பூ கொண்டுவா.

வட்ட வட்ட நிலவே
வண்ண முகில்ப் பூவே
பட்டம் போல பறந்து வா
பம்பரம் போல் சுற்றிவா.

மழலைப்பாடல்: வணக்கம்

அம்மா அம்மா வணக்கம்
உங்கள் அன்பு வேண்டும் எனக்கும்

அப்பா அப்பா வணக்கம்
உங்கள் ஆசி வேண்டும் எனக்கும்

குருவே குருவே வணக்கம்
அறிவு பெருகிடச் செய்திடும் எனக்கும்

இறைவா இறைவா வணக்கம்
எம்மை இனிதே காத்திடும் என்றும்.

மழலைப்பாடல்: தோ! தோ! நாய்க்குட்டி!!

தோ தோ நாய்க்குட்டி
துள்ளி வா நாய்க்குட்டி
வெள்ளை நிற நாய்க்குட்டி
வீரமான நாய்க்குட்டி

வாலை வாலை ஆட்டும்
பாலைப் பாலைக் குடிக்கும்
நன்றியுள்ள நாய்க்குட்டி
நான் வளர்க்கும் நாய்க்குட்டி

எலியைப் பிடிக்க ஓடும்
புலியைப் போல பாயும்
திருடன் வந்தால் குலைக்கும்
லொள்! லொள்! லொள்!

மழலைப்பாட்டு: கொண்டுவா

காக்கா காக்கா
கண்ணுக்கு மை கொண்டுவா

குருவி குருவி
கொண்டைக்குப் பூ கொண்டுவா

கிளியே கிளியே
குழந்தைக்குப் பழம் கொண்டுவா

பசுவே பசுவே
பாப்பாவுக்கு பால் கொண்டுவா.

மழலைப்பாட்டு: பழங்கள்

அப்பா தந்தார் ஆப்பிள்
அம்மா தந்தாள் ஆரஞ்சு
அண்ணன் தின்பான் அன்னாசி
அக்காள் கேட்பாள் கொய்யா

பாட்டி தந்தாள் பலாப்பழம்
தாத்தா தந்தார் திராட்சை
மாமா தந்தார் மாம்பழம்
அத்தை தந்தாள் மாதுளை

வாழையில் காய்ப்பது வாழைப்பழம்
வாய்க்கு ருசியானது பப்பாளி
தங்க நிறமானது தக்காளி
தித்திக்கும் ருசியானது சீத்தா